Тошкентда тез тиббий ёрдам шифокорининг айби билан ёш келин вафот этди

16-05-2019, 16:02
Ҳодиса
Тошкентда тез тиббий ёрдам шифокорининг айби билан ёш келин вафот этди
Тошкентнинг Юнусобод туманида тез тиббий ёрдам шифокорининг айби билан бир ойлик келинчак вафот этди. Бу ҳақда EVERYDAY.UZ мухбири Jahon.uz ахборотига таяниб хабар қилди.

Манбанинг таъкидлашича Тошкент вилоятида 1994 йилда туғилган Ғуломов Ойбек Срожиддин ўғли Тез тиббий ёрдам сайёр бригадасига қарашли 6-сонли подстанцияда кўчма бригада фельдшери вазифасида ишлаб келган.

Ойбек Ғуломов Юнусобод тумани, 17-мавзе, 14-уй, 14-хонадонда яшовчи Шерметова Марғуба Юлчивай қизининг соғлиги ёмонлашганлиги сабабли ушбу манзилга тез ёрдам чақирувига асосан етиб келиб, касб юзасидан ўз вазифаларини лозим даражада бажармай, бемор М.Шерметованинг ахволи, соғлиги ҳолатини тўлиқ ўрганмай, “баралгин” дори воситасини қўлланиш тартибига лозим даражада амал қилмаган ҳолда қон томири орқали тез юбориши натижасида, бемор М.Шерметова вафот этган.

Айтилишича, Марғуба Шерметова ёшлигидан вафот этгунига қадар бирор касаллик билан оғримаган ва даволанмаганлиги айтилмоқда.

Марғубанинг мазаси бўлмаганлиги сабабли, у келин бўлиб тушиб борган хонадон эгалари тез ёрдам чақиришганлигини, тез ёрдам машинасида фельдшер О.Ғуломов келганлигини ва қизи билан гаплашганлигини, сўнг қизига овқатдан заҳарланиш ташхисини қўйиб, қизига вақтинчалик оғриқ қолдирувчи сифатида “баралгин” дорисини қўлининг қон томири орқали юборганлигини, қизида шу захоти титроқ пайдо бўлганлигини, шунда О.Ғуломов дорини охиригача юборолмай, ўша шприцда дорининг қолган қисмини қизининг ёнбошидан юборганлигини, шу ҳолатдан сўнг қизи ўзига келмаганлигини ва вафот этганлигини, тез ёрдам машинасида Юнусобод туманидаги 7-сонли клиник шифохонасига олиб келишганлигини, М.Шерметова фельдшер келгунига қадар ўз ҳаракатларини бошқара оладиган, эс-ҳуши жойида, бемалол мулоқот қила оладиган даражада яхши ҳолатда бўлганлигини айтганлигини, фельдшер О.Ғуломовнинг малакасиз ва вазиятга тўғри баҳо бермай М.Шерметовага кўрсатган сифатсиз тиббий муолажаси натижасида қизи вафот этганлигини билдиришди.

Ойбек Ғуломовга нисбатан Жиноят кодексининг 116-моддаси 3-қисми билан жиноят иши очилди ва 2019 йил 26 мартдан бошлаб О.Ғуломовнинг эҳтиёт чораси ўзгартирилиб, дарҳол суд залидан қамоққа олинган ҳамда Ўзбекистон Республикаси Ички ишлар вазирлиги Жазони ижро этиш бош бошқармасига қарашли 1-сонли тергов ҳибсхонасига жойлаштирилди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Doston 20 май 2019 21:09
Assalomu alekum bu maqolaga o'z fikrim bildirmoqchiman buni oqib chiqqandan keyin bir fikr keladi sog'lom odam hech qachon tez tibby yordam chaqirtirmaydi insoni joni origan paytda chaqiramiz shifokar felsherlayam insonga yordam bergani keladi o'ldirgani emas bu ko'r ko'rana yozilgan maqola tez tibbiy yordam xodimlariga nisbatan xaqoratga teng Bu xolatda qizning sog'lom deganidanoq yolg'onligi sezilib turibdi.
Yana bir xolat yozilishicha baralgin dori vositasidan o'lgani takidlangan. Baralgin dorisi ogriq qoldiruvchi xisoblanadi xa to'gri 10000 Dan bittada doridan o'lish xolati bolishi mumkin bu xolatda organizm ancha dard bilan kurashib zaiflashib qolgan bo'lsa, lekin yozilishicha bemor sog'lom bo'lgan. Yana bir xolat baralgin dori vositasini 60% inson tomiridan qabul qilgan shaxsan o'zim baralgin dori vositasini bir necha marta tomirimdan qabul qilganman, bu yerda oldin kelinchakning xolatini aniq bilish kerak dib xisobliman. Bir odamning bir insonga qilgan yolg'on yoki tuxmati xam bolishi mumkin. Balki bu jabrlanuvchining xaqiqatni tan olmasdan bir yosh avlodni kelajagini barbod qilmoqchiligidur shu orqali o'z qizini kelinini yoki turmush o'rtog'ini aybini kasalligini yashirmoqchi bo'lyotganidir. Meni fikrimcha bu yerda xissiyotga tayanib emas balki xaqiqatga tik boqqan ish korilishi lozim. Men bu yerda shifokor ayb yo'q demoqchimasman lekin yozilgan bu maqola dallillarga asoslanmagan.

МУНОСАБАТ БИЛДИРИШ

Сўнгги янгиликлар

Видео: Тошкентда ҳайдовчи ЙПХ ходимини автомашинасида уриб юборди

Бугун, 18 октябрь куни Шайхонтоҳур туманидаги Абай ва А. Қодирий кўчалари кесишмасида ЙТҲ содир бўлди. 25 ёшли...
18-10-2019, 14:29

O'zLiDeP: "Миллий Тикланиш" бизга елимдек ёпишиб олган"

Спортда аниқроғи кўпчилик мухлисларга эга футболда нисбатан кучсиз, танилмаган бирор жамоа юлдуз футболчилар жамланган,...
17-10-2019, 10:17
/ Муҳокамалар +1

Жаҳонгир Отажановнинг лицензияси қайтарилди

Бугун 16 октябрь куни “Ўзбекконцерт” давлат муассасасида навбатдан ташқари йиғилиш ўтказилди. Унда хонанда Жаҳонгир...
16-10-2019, 16:40
/ Муҳокамалар +3

«У ерда провакаторлар бор эди» – Кабул Дусов вазиятга изоҳ берди

Бугун сайтимизда “Миллий тикланиш” депутати Яшнобод тумани аҳолиси билан жанжаллашиб қолгани ҳақида хабар берган эдик....
16-10-2019, 15:58
/ Муҳокамалар +1

Бугундан бошлаб фуқаролар "пропискасиз" ҳам исталган банкдан кредит олишлари мумкин

Ўзбекистонда кредит олиш тартибига ўзгартириш киритилди. Бу ҳақда ОАВда хабарлар тарқалди. Киритилган ўзгаришга мувофиқ...
16-10-2019, 14:41
/ Муҳокамалар +9