Хоразмда обунадан тушган 776 млн сўм талон-тарож қилинди

Хоразмда обунадан тушган 776 млн сўм талон-тарож қилинди
Бу ҳақда Бош прокуратура матбуот хизмати хабар қилди.

Хабарда айтилишича, Бош прокуратура ҳузуридаги Департаментнинг Хоразм вилоят бошқармаси томонидан “Матбуот тарқатувчи” АК ходимлари билан ҳамкорликда терговга қадар текшириш ўтказилган.

Текширишда “Матбуот тарқатувчи” АК Хоразм вилояти шўъба корхонаси директори О.К. 2017-2018 йилларда обуначилар томонидан тўланган 1,3 млрд. сўм пул маблағларидан 562,3 млн. сўмини ўғли А.К. ва қариндоши С.Ш.га қарашли “У.З.” МЧЖга ўтказиб талон-торож қилганлиги аниқланди.

Шунингдек, ушбу пул маблағлари эвазига “Каптива”, “Ласетти”, “Нексия” русумли автомашиналарни ҳамда шўъба корхона негизида ташкил этилган Ҳазорасп босмахонаси балансида бўлган ҳақиқий баҳоси 750,0 млн. сўмлик бино ва иншоотларни 16,7 млн. сўмга сотиб олиб, жиноий фаолиятдан олинган даромадларни легаллаштирганлиги аниқланган.

Текширув давомида етказилган зарардан 562,0 млн. сўми ундирилиши таъминланган.

Худди шундай, “Матбуот тарқатувчи” АК Хонқа филиали раҳбари М.Р. ҳам 2018 йилда обуначилар томонидан тўланган 365,5 млн. сўм пул маблағларидан 214,0 млн. сўмини қариндоши Ш.А.га тегишли бўлган “А.С.” ХКга ўтказиб талон-торож қилиб, ушбу пул маблағлари эвазига Урганч шаҳридан турмуш ўртоғи А.А. номига уй сотиб олиб, жиноий фаолиятдан олинган даромадларни легаллаштирганлиги аниқланган.

Қўшимча қилинишича, мазкур ҳолатлар юзасидан О.К. ва М.Р.ларга нисбатан Ўзбекистон Республикаси Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

Ўхшаш янгиликлар

  1. Расул 21 май 2019 21:26
    Узбекистоннинг барча вилоятларида шу холатни учратиш мумкин.Айрим каттаконлар гуёки халк обуна нашрларини укиши керак деб узларини куйинчак килиб курсатадилар,аслида эса факат уз чунтакларини уйлайдилар.Таълим сохасида бу коррупсия хали хам авжида. Натижада нашрлар редакциялари айбсиз айбдорлар булиб колмокдалар.
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Ҳодиса » Хоразмда обунадан тушган 776 млн сўм талон-тарож қилинди