«Газ баллон билан урилган»: Шафқатсизларча калтакланган самарқандлик келинчак ҳақидаги лавҳа намойиш этилди (видео)

«Газ баллон билан урилган»: Шафқатсизларча калтакланган самарқандлик келинчак ҳақидаги лавҳа намойиш этилди (видео)
Самарқанднинг STV телканали 10 кунлик келинчак Зуҳра Умарованинг эри томонидан шавқатсиз калтаклангани ҳақида видеолавҳа намойиш этди. Бу ҳақда "Дарё" хабар берди.

Маълум бўлишича, қиз 18 майда турмушга чиққан. Тўйдан 10 кун ўтгач, маст ҳолатдаги турмуш ўртоғи номаълум сабабларга кўра унга ташланиб, аёвсиз калтаклаган. Келин ҳушсиз ҳолда касалхонанинг жонлантириш бўлимига олиб келинган.

«Оғзидан қон оқар эди, боши ёрилган. Сал қолса эри уни ўлдириб қўйиши мумкин эди. Мана, орадан тўрт кун ўтди, лекин ҳеч ким хабар олгани келмади», — деган Зуҳранинг онаси.

Қайд этилишича, келин жонлантириш бўлимига олиб келинганда эрига қарши ариза ёзишдан бош тортган. Аввалроқ ички ишлар ходимлари «қизингизни ўз пулингизга даволатинг, у оиладан пул сўраб юрманг» дея маслаҳат бергани ҳамда «ўзингизга қимматга тушади» деган сўзлардан сўнг она ўз қизини ҳатто тиббий экспертизадан ҳам ўтказмагани ҳақида хабар берилган эди.

Қизнинг онасининг сўзларига кўра, қиз қаттиқ қўрқиб кетган ва унинг эри шифокорларга зинадан тушиб кетдим деб айтишни талаб қилган. Самарқанд вилояти хотин-қизлар қўмитаси жабрланувчини ўз ҳимоясига олди.

Қўмита вакилининг сўзларига кўра, қизнинг ота-онаси куёвнинг ичкиликка ружу қўйганини билган, лекин қизнинг ёши сабабли (келин 30 ёшда) турмушга чиқишга кўндиришган. Жабрланган келин иккинчи хотин бўлган. Никоҳ қонунан расмийлаштирилмаган. Уларни маҳаллий имом шаърий никоҳлаб қўйган.

Имомнинг сўзларига кўра, эркакнинг қонунан ажрашмаган яна бир хотини борлигини билмаган. У бир ҳафтадан сўнг никоҳ гувоҳномасини олиб келишга ваъда берган.

Келиннинг эрига нисбатан жиноий иш очилган, тергов ишлари олиб борилмоқда.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Ҳодиса » «Газ баллон билан урилган»: Шафқатсизларча калтакланган самарқандлик келинчак ҳақидаги лавҳа намойиш этилди (видео)