Тошкентда талабанинг умрига зомин бўлган ҳайдовчи 20 миллион сўм билан озодликка чиқди

Тошкентда талабанинг умрига зомин бўлган ҳайдовчи 20 миллион сўм билан озодликка чиқди
Талабанинги исми Муҳаммад Раҳимов бўлиб, у Губкин номидаги Россия давлат нефть ва газ университетининг Тошкент филиалида таҳсил оларди. У 2019 йил 11 февраль куни соат 8:30 да университет қаршисидаги пиёдалар ўтиш жойидан ўтиб келаётганида, йўлнинг учта полосасидаги машиналар тўхтаб, пиёдаларни ўтказиб юборган.

Аммо тўртинчи полосадан катта тезликда келаётган Cobalt тормоз беришга улгурмай, Муҳаммадни уриб юборган. «Боламнинг соғ жойи қолмаган. Мияси, суяклари, оёқ-қўли синган. Тўққизинчи куни касалхонада ҳушига келмай жон берди», — дейди Муҳаммаднинг отаси Алишер Раҳимов.

Cobalt ҳайдовчиси 60 ёшли Нуғмон Содиқов аввал прокуратурада ишлаган, ҳозирда Андижондаги «Нур Зиё Фемид» хусусий адвокатлик идорасининг эгаси ҳисобланади. ЙТҲ содир бўлган жойда тезлик 50 км/с этиб чекланган, аммо Cobalt ҳайдовчи соатига 80 километр тезликда ҳаракатланиб келган.

Талабанинг ота-онаси бахтсиз воқеа ҳақида университет деканидан хабар топган. Ўткинчи талабалар ва ўқитувчилар Муҳаммадга ёрдам беришга ҳаракат қилган. У ердан ўтиб кетаётган Мудофаа вазирлиги фелдшери ЙТҲни кўриб, тўхтаган ва «Тез ёрдам» келгунича Муҳаммадга биринчи тиббий ёрдам кўрсатган. Ҳайдовчи эса ҳеч қандай ҳаракат қилмаган.

Орадан 1,5 ой ўтгач Нуғмон Содиқов маҳалла раиси ва ўз адвокати билан Муҳаммаднинг уйига келган. Уни таниган Муҳаммаднинг ота-онаси келганлардан уйдан чиқиб кетишини сўраган.

Уч ой давом этган тергов ҳаракатларидан сўнг Мирзо Улуғбек туман суди 3 май куни Нуғмон Содиқовни Муҳаммаднинг ўлимида айбдор деб топган ва, унинг ёши катталигини ҳисобга олиб, 4,5 йил муддатга озодликдан маҳрум қилиш ҳақида ҳукм чиқарган. Аммо Нуғмон Содиқов суд қароридан норози бўлиб, Тошкент шаҳар судига апелляция берган.

Бир ойдан сўнг қайта суд ўтказилиб, Нуғмон Содиқовнинг ҳаракатлари эҳтиётсизлик оқибатида содир этилган деб топилган ва у суд залининг ўзида озодликка чиқарилган. «Суд 15 дақиқа давом этди. Муҳаммаднинг ота-онасига судда сўз берилмади. Айбдорга давлат ҳисобига 20 миллион сўм жарима тўлаш жазоси юклатилди», — дейилади «Daryo-Live» хабарида.

Ўхшаш янгиликлар

  1. Реалист 6 июн 2019 09:07
    Судья аниқ пора олган,мана сизга ўзбекча«хақиқат». Коррупция гуллаб яшнаяпти.
    Қизиғи шуки бу коррупционер
    судьяни хеч ким текширмайди,
    текширолмайди,юқорида ишонган окахони бор,ЛАЪНАТ
    бундай суд тизимига.
  2. Ситора 5 июн 2019 10:31
    Лаьнат сизга. 60 яшар порахур экансиз. Агар сизни фарзандигиз вафот этганида 20 миллион тугул борку сарик чака олмасдиз. Эссиз ун гулидан ьир гули очилмаган навкирон йигит сизни деб энди бу хаетда йук. Пул хамма жойда кучини курсатади. Аммо виждони азоби сизни бутун умр кемиради. Ёшиз улуг экану аклиз калта экан. Садкайи одам кетинг. Вафот этган талабанинг ота онасига сабр тилиман. Илохим угилингизни жойи жаннат булсин.
  3. 12 5 июн 2019 06:24
    Адолатли суд тихими ишламас экан инсон кадри, миллат кадри ер Билан битта булаверади
  4. Гули 5 июн 2019 04:40
    Ха каргани кузини карга чукимайди деганлари шу булса керак. Агар хайдовчи прокуратурада ишламанган оддий бир инсон булганида 15 йил бериларди. Яшасин хакикатгуй судяларимиз...
  5. Gest 4 июн 2019 23:30
    Нугман Содиковга хам бир кун келиб шундай ходиса кайтади, аттанг! (Ёши катта одам катта йулда юрганда хушёррок юриш керак англаш сусайган булса хам тезликни оширган )афсус ёш йигитнинг умри барбод булибди Оллохим бандаларингни хар балолардан узинг асра!
  6. ОТА 4 июн 2019 23:03
    Итвачча экан ўша шўпир ҳам,судя ҳаи
  7. Махфуза 4 июн 2019 22:49
    Бу болани улиги тагинам 20 млнга бахоланибдику,
  8. Одам 4 июн 2019 20:44
    Ага адолату мана адолат..одам нархи 20 млн.ми? УЯТ!!!
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Ҳодиса » Тошкентда талабанинг умрига зомин бўлган ҳайдовчи 20 миллион сўм билан озодликка чиқди