Фарид Абдуллаев Самарқанд туманидаги МИБ ходими сифатида ишлаб келган. Унинг вазифасига газ, свет каби коммунал хизматлардан фойдаланганда юзага келган қарздорликни ундириш киради.
У Самарқанд тумани Юқори қайнама маҳалласида яшовчи Ибрагимовлар оиласида коммунал хизматлардан қарзи борлигини айтади ва агар қарзни тўламаса иши судга оишириш билан қўрқитган. Шунда 15-16 млн сўм пулни тўлай олмаслигини билган фуқаро тегишли ташкилотдан қарзи бор ёки йўқлигини сўрайди. Шунда фуқаронинг ҳеч қандай қарзи йўқлиги маълум бўлади. Лекин шундай бўлишига қарамай МИБ ходими уларни таъқиб қилишдан тўхтамайди ва улардан 600 доллар пул талаб қилиб, ушбу пул эвазига ҳамма ишларни ёпишни ваъда қилади. Бу орада фуқаро воқеа юзасидан тегишли органга ариза билан мурожаат қилади ва кимёвий ишланган пулларни пора сифатида олаётганда МИБ ходими қўлга тушади.
Унга нисбатан суд ҳукми ўқилди. Ҳукмга кўра Фарид Абдуллаев 3 йилга озодликдан маҳрум этилди. Шунингдек, 1 йил давомида МИБ структурасида ишлаши тақиқланди.
