Бухорода қамоқхонадан ҳожатхона орқали қочмоқчи бўлган тўрт махбус ушланди. Уларнинг бири хавфли рецидивист

19-06-2019, 12:23
Ҳодиса
Бухорода қамоқхонадан ҳожатхона орқали қочмоқчи бўлган тўрт махбус ушланди. Уларнинг бири хавфли рецидивист
Бухоро вилояти ИИБ Жазони ижро этиш бошқармасига қарашли 1-сонли жазони ижро этиш колониясида жазо муддатини ўтаётган ёшлар билан тил бириктириб, қочишга уринган ўта хавфли рецидивист-маҳкумга яна ҳукм ўқилди. Бу ҳақда "Дарё"га Жиноят ишлари бўйича Ромитан туман суди раиси Улуғбек Бозоров маълум қилди.

2008 йилдан буён Ўзбекистон Республикаси Жиноят Кодексининг 164-моддаси (Босқинчилик) 4-қисми, «в» банди, 169-моддаси (Ўғрилик) 3-қисми, «а» банди, 4-қисми «в» банди ва бошқа қатор моддалар билан айбланиб, 59-модда 8-қисми қўлланилиб, жами 12 йил озодликдан маҳрум қилиш жазоси бўйича судланган фарғоналик Отабек Саидов қамоқхонада ҳам жиноят содир этди.

2018 йил 21 ноябрь куни Отабек Саидов жазони ижро этиш колониясида муддатини ўтаётган 1990 йилда туғилган Рўзиматжон Дадабоев, 1992 йилда туғилган Отабек Жўмартов, ва 1997 йилда туғилган Азизбек Маҳкамовни фикрини бузиб, уларни алдов йўли билан озодликка чиқишга ундаб, мазкур муассаса ҳудудидан қочиб кетишни режалаштирган. Ўз режаларига кўра, муассаса атрофини ўраб турган девор яқинида жойлашган маҳкумлар учун мўлжалланган ҳожатхона остидан лаҳим қазиш орқали муассаса ташқарисига чиқиб қочишни мўлжаллашган.

Отабек Жўмартов, Рўзиматжон Дадабоев ва Азизбек Маҳкамовлар ҳожатхона ички қисмидаги охирги ўриндиқ жойининг бетон қисмини синдириш орқали ертўлага тушиш учун махсус жой тайёрлаган. Maxсус лаҳим қазиш учун керак бўладиган белкурак, болға, челак, темир бўлаклари сингари анжомларни ҳожатхонага олиб келиб қўйган.

2018 йил декабрь ойидан бошлаб, аста-секинлик билан ҳожатхона ён девори бетон қисмини синдириш орқали махсус тешик ҳосил қилган. Ундан ҳожатхона остки йўлига тушиб, 1,0х1,30 метр ҳажм катталикдаги қисмини синдириб, белкурак ёрдамида яна лаҳим қазишда давом этган. Кейинчалик куннинг маълум бир қисмида муассаса қўриқчиларига сездирмасдан жиноий гуруҳ аъзолари навбат билан лаҳим қазиб боришга ўзаро келишиб олган. Бироқ жиноий ҳаракатларини ўзларига боғлиқ бўлмаган ҳолда охирига етказа олишмаган. 2019 йил 1 январь куни соат тахминан 15:00 ларда жиноий гуруҳ аъзолари муассаса ходимлари томонидан жиноят устида қўлга олинган.

7 июнь куни Жиноят ишлари бўйича Ромитан туман суди томонидан маҳкумлар томонидан содир этилган жиноятга яна ҳукм ўқилган. Ҳукмга кўра, Отабек Саидовга Ўзбекистон Республикаси ЖКнинг 25-, 222-моддаси (Қамоқдан ёки қўриқлов остидаги сақлаш жойидан қочиш) 2-қисми «в» банди билан айбли, деб топилган. Ўта хавфли рецидивистга ЖКнинг 34-, 60-моддасига асосан 16 йил 2 ой муддатга озодликдан маҳрум қилиш жазоси қўлланилган.

Рўзиматжон Дадабоев ҳамда Азизбек Маҳкамов Ўзбекистон Республикаси ЖКнинг 25-, 222-моддаси 2-қисми «в» банди билан айбли деб топилиб, ЖКнинг 60-моддасига асосан, ҳар бири 8 йил 2 ой муддатга, Отабек Жўмартовга эса 12 йил 2 ой муддатга озодликдан маҳрум қилиш жазоси тайинланган.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Тошкентда 77 ёшли отахон ўзини 9 қаватдан ташлаб, жонига қасд қилди

Тошкентда 77 ёшли отахон ўзини 9 қаватдан ташлаб, жонига қасд қилди. Бу ҳақда Бош прокуратура хабар қилди. Маълум...
Бугун, 15:30

Энергетика тизими: Иқтисодий юксалишнинг мустаҳкам таянчи

Бугунги ҳаётимизни барқарор электр энергиясиз тасаввур қилиб бўлмайди. Тараққиёт шиддати туфайли ушбу ресурсга бўлган...
Бугун, 15:24

Ўзбекистонда иккита йирик шакар заводлари ёпилди

Ўзбекистонда иккита йирик шакар заводлари ёпилди. Бу ҳақда ЎзА хабар қилди. Маълум бўлишича, мамлакатдаги иккита йирик...
Бугун, 15:16

Сурхондарёда суд ходимининг дўппосланиб, судьяларнинг обрўсизлантирилиши бўйича жиноий иш қўзғатилди

Сурхондарёда суд ходимининг дўппосланиб, судьяларнинг обрўсизлантирилиши бўйича жиноий иш қўзғатилди. Бу ҳақда Бош...
Бугун, 15:06

Ўзбекистон яшаш учун энг арзон мамлакатлар рейтингида 130 ўринни эгаллади

Ўзбекистон яшаш учун энг арзон мамлакатлар рейтингида 130 ўринни эгаллади. Бу ҳақда ОАВда хабарлар тарқалди. Маълум...
Бугун, 12:37
/ Муҳокамалар +2