Сурхондарё вилояти Бойсун туманидаги Тоқчи маҳалласида яшовчи умумтаълим мактаби директори Жума Шоев (исм-шарифлар ўзгартирилди) маҳалладоши Ниҳол Қобиловани таълим муассасаси фаррошлигига ишга қабул қилиш эвазига қўшимча пул ишлаб олишни режалаштиради.
Шу мақсадда туманнинг Шўрсой маҳалласидаги “Капа” ошхонасида Н.Қобиловадан 400 долларни пора сифатида олаётганида ашёвий далиллар билан туман прокуратураси ва вилоят ички ишлар бошқармаси ходимлари томонидан қўлга олинди. Бу ҳақда Bong.uz хабар қилди.
Айни пайтда устоз, деган улуғ номга доғ туширган мактаб директорига нисбатан Ўзбекистон Республикаси Жиноят кодексининг тегишли моддаси билан жиноят иши қўзғатилган.
