Андижон вилоятида оилавий жанжал натижасида бир киши вафот этди. Бу ҳақда EVERYDAY.UZ мухбири ИИВ ахборотига таяниб хабар қилди.
Маълум бўлишича, жорий йилнинг 29 июнь куни Асака туманида “Курама” МФЙ яшовчи, 43 ёшли М.А. уйида оилавий жанжал оқибатида турмуш ўртоғи, 38 ёшли Ш.А.нинг юзига қўли билан урган вақтида у боши билан ерга йиқилиб жароҳат олиб воқеа жойида вафот этган. М.А. қўлга олингани айтилмоқда.
Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
