2018 йил 14 ноябрь соат тахминан 03:35 ларда Сирдарё вилояти ФВБга ИИБнинг Тезкор навбатчиси томонидан А-373 “Тошкент-Самарқанд” йўналишининг 13-кмда, юк автомашинаси йўлдан чиқиб автоҳалокатга учраганлиги юзасидан маълумот келиб тушган, дея хабар қилмоқда EVERYDAY.UZ мухбири.
Мазкур ҳолат бўйича Сирдарё вилояти Фавқулодда вазиятлар бошқармаси Қутқарув отряди навбатчи қутқарувчилари зудлик билан воқеа жойига етиб боради. Шундан сўнг, қутқарувчилар йўл транспорт ҳодисаси оқибатида автотранспорт кабинасида қисилиб қолган фуқарони махсус техникалар ёрдамида кабинадан олиб чиқишди. Жабрланган фуқаро ҳамда йўловчи зудлик билан Оқолтин тумани тиббиёт бирлашмаси жонлаштириш бўлимига етказишди ва бу орқали фуқаро ҳаёти сақлаб қолинди.
