Наманганда аянчли ЙТҲ содир бўлди. Бу ҳақда EVERYDAY.UZ мухбири хабар қилди.
Мухбирнинг маълум қилишича, кеча 23 июль куни соат 09:15 ларда вилоятнинг Поп туманида иккита "Нексия" автомашинаси иштирокида ЙТҲ содир этилган. Воқеа “Пунгон-Наманган” йўлида юзага келган. Бунга сабаб қилиб эса 66 ёшли А.А. бошқарувидаги "Нексия" ҳайдовчисининг бошқарувни эплай олмай қарама-қарши йўлга чиқиб кетгани кўрсатилмоқда. У рўпарасида ҳаракатланаётган 45 ёшли Тошкент шаҳри Сергели туманида яшовчи Ш.А. бошқарувидаги "Нексия"га бориб урилган.
Натижада 66 ёшли А.А. ҳамда унинг турмуш ўртоғи 62 ёшли М.А.лар вафот этган. Унинг йўловчиси, ҳайдовчининг гўдак невараси ва тошкентлик ҳайдовчи касалхонага ётқизилган. Ҳозирда воқеа юзасидан жиноий иш қўзғатилиб тергов ҳаракатлари олиб борилмоқда, дея маълум қилган ИИВ.
