Сурхондарё вилоятида аёл фарзандини сотаётганда қўлга олинди. Бу ҳақда EVERYDAY.UZ мухбири Департаментнинг Узун туман бўлими бошлиғи Сардорбек ҚУРБОНОВнинг маълумотига таяниб хабар қилди.
Маълум бўлишча Фарғона вилоятидан пойтахтга ишлагани келган Дилноза Бекбоева (исм-фамилиялар ўзгартирилган) шу ерда енгил пул топиш йўлини излаган. У Тошкентда фоҳишалик билан шуғулланган. Шундай кунларнинг бирида у ҳомиладор эканини сезиб қолади ва ҳомила катталашгани сабабли уни олдириб ташлай олмайди. Аёл ўз ота-онаси, қариндошлари олдида шарманда бўлмаслик учун фарзанддан "қутилиш" йўлини излайди. Шундай вазиятда у дўсти Сабоҳат Олимова билан маслаҳатлашади. Сабоҳат синглиси Мунира анча йиллардан бери фарзанд кўрмаётганини ва агар туғиб берса шу фарзандни унга сотишни маслаҳат беради. Шу мақсадда улар Сурхондарё вилоятига келади ва ўша ерда 2019 йил 26 январ санасида қиз фарзандни дунёга келтиради. Оқибатда Дилноза фарзандини Мунирага 3,5 миллион сўмга сотаётганда Департаментнинг Узун туман бўлими ходимлари томонидан қўлга олинади.
Суд Д.Бекбоева, С.Олимова ва М.Олимоваларни Жиноят кодексининг тегишли моддаси билан айбдор деб топиб, қилмишларига яраша жазо тайинлаб ҳукм чиқарди.
