Бугун, соат 07.20 да Тошкент шаҳри Сергели тумани Биродарлик кўчасида “Кобальт” ва “Нексия” иштирокида ЙТҲ содир бўлди. Воқеага “Кобальт” ҳайдовчиси 55 ёшли Александр З.нинг қарама-қарши ҳаракат йўлига чиқиб кетгани сабаб бўлган.
Воқеа натижасида “Нексия”нинг йўловчиси 34 ёшли Артур Б. олган тан жароҳатлари натижасида воқеа жойида вафот этган. “Нексия” ҳайдовчиси 33 ёшли Камал Н. ва уч нафар йўловчилар (25 ёшли Зинур М., 30 ёшли Павел Р., 27 ёшли Дмитрий Н.), “Кобальт” ҳайдовчиси 55 ёшли Александр З. ва 55 ёшли йўловчи Марина К.лар тан жароҳатлари олиб, тиббий ёрдам учун мурожаат қилишган.
