Мажбурий ижро Бюроси Балиқчи туман бўлими техник кузатув шўъбаси мутахассиси М.Каримов ўз хизмат вазифасини ўтаётган вақтида чўкиб кетаётган болани қутқариб қолди.
М.Каримов Балиқчи тумани, Дўнгасарой МФЙ ҳудудидан оқиб ўтувчи “Катта Андижон” каналида Дўнгсарой МФЙ, Бехизор кўчаси, 15-уйда яшовчи 2006 йилда туғилган вояга етмаган Абдумажидов Ў.Носиржон ўғли каналда чўмилаётган вақтида чўкаётганини кўриб боланинг ҳаётини сақлаб қолди.
Вояга етмаган Ў.Абдумажидовнинг ота-онаси, “Дўнгасарой” МФЙ раиси томонидан Бюро ходими М.Каримовга миннатдорчилик билдирилди, дея хабар қилди ЎзА.
