Навоий вилоятининг Кармана туманида эр-хотинга суд ҳукми ўқилди, дея хабар қилмоқда EVERYDAY.UZ мухбири Жиноят ишлари бўйича Кармана туман суди раиси Алишер Сайдуллаев маълумотига таяниб.
Маълум бўлишича Б.Жумаев ва С.Жумаевалар 2019 йил 23 март куни ўзларининг "Кобалт" автомашинасини бошқариб келаётганда “Самарқанд” ЙПХ масканида йўл ҳаракати хавфсизлиги ходимлари томонидан тўхтатилган. Ходим ҳайдовчидан керакли ҳужжатларни талаб қилган пайтда маст ҳолдаги Б.Жумаев ва хотини С.Жумаева унга ташланиб кетишган. Улар ходимнинг телефонини синдириб, юзини тирнаб, дўппослаган ва кийимини ҳам йиртиб ташлаган.
Шундан сўнг улар ушланган ва айбига тўлиқ иқрор бўлган.
Суд ҳукми томонидан тегишли моддалар билан Б.Жумаевга 2.027 300 сўм, судланувчи С.Жумаевага 1.419 110 сўм миқдорида жарима тайинланган.
