Сурхондарё вилояти Термиз тумани ҳокимиятида мутахассис бўлиб ишлайдиган ходим пора билан қўлга тушди. Бу ҳақда EVERYDAY.UZ мухбири хабар қилди.
Маълум бўлишича ходим Шокир Холиқуловга (исм-фамилиялар ўзгартирилган) Термиз шаҳри «Аму соҳил» маҳалласи ҳудудида кўп қаватли уйларни қураётган МЧЖ раҳбари Ҳосил Сайрамов кам таъминланган Дилдора Расуловага шу ерда қурилаётган уйларнинг биридан пул эвазига хонадон ажратишни таклиф қилади. Бунга эса ходим кўнган ва Ш. Холиқулов Ҳ. Сайрамовдан 300 долларни олаётган пайтда қўлга олинган. Аслида эса Д. Расулова МЧЖ раҳбарига 400 доллар берган бўлган.
Департаментнинг Сурхондарё вилоят бошқармаси катта инспектори Муҳаббат Примқулованинг маълум қилишича фирибгарлик қилган икки шахсга жиноят ишлари бўйича Термиз шаҳар судида ҳукм ўқилган. Унга кўра, Ш.Холиқулов ва Ҳ.Сайрамовга ахлоқ тузатиш ишлари жазоси тайинланган.
