Сурхондарёлик йигит Ўзбекистон конституцион тузумини ағдаришда айбланди

19-08-2019, 22:25
Ҳодиса
Сурхондарёлик йигит Ўзбекистон конституцион тузумини ағдаришда айбланди
Давлат хавфсизлик хизмати ходимлари томонидан сурхондарёлик Ш.О.нинг ноқонуний ишлари фош этилган.

Маълум бўлишича, Сурхондарё вилояти Денов шаҳар, “Қуёшли юрт” маҳалласи, Жаннатмакон кўчасида яшаган, миллати лўли (терговга оид ҳужжатларда шундай келтирилган) бўлган, 1987 йилда туғилган фуқаро Ш.О., Ўзбекистон Республикаси Жиноят кодексининг(ЖК)нинг 159-моддаси 3-қисми “б” банди, 244,1-моддаси 3-қисми “г” банди ва 244,2-моддаси 1-қисми билан айбланиб, унга нисбатан 1-19-1902/16-сонли жиноят иши юритилган ва у ўзига нисбатан бўлган айблов хулосаси нусхасини 2019 йил 19 июль куни олган.

“Jahon.uz”нинг маълум қилишича, Ш.О. етти йил давомида Россиянинг Тамбов шаҳрига бориб, “Ислом-жиҳодчилари” диний экстремистик оқими аъзолари таъсирига тушиб, ушбу оқим ғояларини қўллаб-қувватлаб, жамоатнинг хуфиёна йиғилишларида иштирок этиб келган.

Шунингдек, Ш.О. ўзининг жиноий ҳаракатларини давом эттириб, июн-июль ойларида Тошкент шаҳри “Қўйлиқ” деҳқон бозорида полиз экинлари сотиш билан шуғулланувчи Т.С. билан танишиб, у билан биргаликда ушбу ҳудудда “Ислом жиҳодчилари” диний экстремистик оқимнинг хуфиёна йиғилишларини ташкил қилиб, унда иштирок этиб,Т.С.га Давлат тузумини конституцияга хилоф равишда ўзгартиришга хизмат қиладиган диний экстремистик ва ақидапарастлик ғоялари билан йўғрилган халқаро террорчи ташкилотлар ва гуруҳлар томонидан тайёрланган аудио ва видео материалларни эшиттириш ва намойиш қилиш йўли билан тарқатиб, келажакда у билан биргаликда Ўзбекистон Республикасидан “Ҳижрат” тартибида чиқиб кетиб, Сурия ҳудудига террорчилик ташкилотлари томонидан олиб борилаётган “жиҳод” номи билан ниқобланган жанговар қўпорувчилик ҳаракатларида иштирок этишни режалаштирган.

Бундан ташқари, Ш.О. Россиядан ўзининг доимий яшаш манзилига қайтиб келиб, “ислом-жиҳодчилар” оқимининг аъзолари сафини кенгайтириш мақсадида, таниши М.Ш.нинг номига расмийлаштирилган 9.-5..-1427 рақамидан фойдаланиб, “Телеграмм” ва “Оdnoklassniki.ru” сайтлари орқали “Муса”, “Абу”, Амина”, “Абдулло”, “Абдураҳмон”, “Мустафо Ансорий” номли профиль фойдаланувчиларининг ёрдами билан Ўзбекистон Республикаси ҳудудидан чиқиб, Сурия ҳудудида маҳаллий ҳукуматга қарши жанговар ҳаракатлар олиб бораётган “Таҳвид ва жиҳод котибаси” террорчилик гуруҳи таркибига бориб қўшилишни режалаштирган.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Адолат 20 август 2019 09:41
Ношукур акли паст Ватан гадо килиш керак
фарход кодиров 20 август 2019 21:57
бунака одамларни соглом деб булмайди яна хам билмадиму. буларни оллохни кахрига учраган махлуклар деб аташ мумкин

МУНОСАБАТ БИЛДИРИШ

Сўнгги янгиликлар

ХДП раиси: Биз барча партиялар орасида этакчимиз

ХДП раиси Улуғбек Иноятов халқаро пресс калубнинг навбатдаги сонида ХДП етакчи партия эканини айтиб ижтимоий...
Бугун, 10:36

"Баровский" коллежи талабасининг ўлимида айбдор деб топилган йигит коллежда ўқишни давом эттирмоқда

Тошкент тиббиёт коллежи талабаси Жасурбек Иброҳимовнинг ўлимида айбдор деб топилган Ислом Тўлаганов ўқишини давом...
6-12-2019, 15:10
/ Муҳокамалар +8

Беш нафар эронлик Испания паспорти билан Ўзбекистонга кириб келаётганда аэропортда ДХХ томонидан қўлга олинди

Ўзбекистонга соҳта паспорт билан кириб келаётган 5 нафар эронликлар қўлга олинди. Маълум бўлишича, шу йил 4 декабр куни...
6-12-2019, 14:47

Минтақа тараққиётининг таянч нуқтаси

Тошкентда бўлиб ўтган Марказий Осиё давлатлари раҳбарларининг Маслаҳат учрашуви хорижий ОАВ ва таҳлилчилар нигоҳида...
6-12-2019, 11:59