Сергели туманида 2 ойлик чақалоқ эмланганидан кейин вафот этгани ҳолати бўйича жиноят иши қўзғатилди

20-11-2018, 09:11
Ҳодиса
Сергели туманида 2 ойлик чақалоқ эмланганидан кейин вафот этгани ҳолати бўйича жиноят иши қўзғатилди
Тошкентнинг Сергели туманида стандарт вакцина олганидан кейин бир неча кун ўтиб, икки ойлик чақалоқ вафот этди. Боланинг онаси ўғлининг ўлимига шифокорларнинг совуққонлиги сабабчи бўлганини айтмоқда.

Тошкент шаҳар прокуратураси август ойида юз берган ушбу ҳолат юзасидан Жиноят кодексининг 116-моддаси (Касб юзасидан ўз вазифаларини лозим даражада бажармаслик) 3-қисми билан жиноят иши қўзғатди.

Муассаса хабарига кўра, невропатолог шифокор кўригидан ўтгач, чақалоққа 24 август куни полиомиелит ва пневмококк инфекциясига қарши вакцина қилинган. Ўша куни кечқурун боланинг тана ҳарорати кўтарилган. 26 август куни эрталаб бола 3-сон шаҳар болалар клиник касалхонасига келиб тушган. Чақалоқда «ўпка синдроми ва бош мия шиши хавфи»ни аниқлашган. Зарур чоралар кўрила бошлаган, аммо эртаси куни боланинг аҳволи анча ёмонлашгач, ўпкаларни сунъий шамоллатиш аппаратига уланган.

28 август куни зарур тиббий ускуналар йўқлиги сабабли, бола Республика шошилинч тиббий ёрдам илмий марказига ўтказилган, бир кеча-кундуздан кейин бола шу ерда жонлантириш бўлимида вафот этган.

Прокуратура хабарида айтилишича, бола касалхонага оғир аҳволда келиб тушган. Навбатчи шифокор уни зарур бўлган ҳар уч соатда эмас, ҳар олти соатда кўздан кечирган. Шунингдек, дастлабки маълумотларга кўра, икки кун аввал аниқ клиник ташхис қўйилмаган, асосий лаборатория таҳлиллари учун биоматериал олинмаган, даволаш ўз вақтида тўғриланмаган.

Прокуратура органлари ўтган ҳафта бошланган текширув давомида икки ойлик чақалоқнинг ўлимига шифокорларнинг алоқадор ёки йўқлигини аниқлайди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

«Аёл официант бўлиб ишлаган» – Қаршида 5 эркак томонидан зўрланган аёл воқеаси Сенат томонидан назоратга олинди

Аввалроқ сайтимизда Қашқадарё вилояти Қарши шаҳрида 26 ёшли аёл 5 нафар эркак томонидан зўрлангани ҳақида хабар берган...
Кеча, 15:11
/ Муҳокамалар +1

«Бу атайин уюштирилган бўлиши мумкин» – «Лукойл» вакили

Хабарингиз бор сўнгги кунларда “Лукойл Узбекистан Оперейтинг Компани” МЧЖ раҳбар ходими ҳамда маҳаллий аҳоли ўртасидаги...
Кеча, 12:48

Самарқандда маҳкум қочиб кетган

Самарқанд вилоятида маҳкум манзил-колониясидан шу йил 9 октябр куни қочиб кетган. Бу ҳақда "Jahon.uz" хабар қилди....
Кеча, 12:02

Гулнора Каримовага қўшиқларини ким ёзиб бергани маълум бўлди – ОАВ

ОАВда Гулнора Каримованинг қўшиқларини ким ёзиб бергани ҳақидаги хабарлар тарқалди. Россия ОАВсида айтилишича унга...
Кеча, 11:09

Тошкентда эркак 20 ёшли қизниг машинасини сотиб юборди ва ваъда қилган пулнинг ярмини бермади

Тошкентда 31 ёшли Бекзод Б.га нисбатан жиноий иш қўзғатилди. Маълум бўлишича, эркак шу йил 12 август куни 20 ёшли...
Кеча, 10:28