Кеча, 28 август куни Олмазор тумани Нурафшон кўчасидаги “Riviera” савдо мажмуасининг қурилиш жараёнида 4 ишчи ходим вафот этгани ҳамда 2 нафари шифохонага ётқизилгани ҳақида хабар берган эдик.
Бош прокуратуранинг хабар беришича воқеага мажмуа биносининг метал билан ёпилган том қисми кулаб тушуши сабаб бўлган. Ҳозирда ҳолат юзасидан Тошкент шаҳар прокуратураси томонидан тегишли моддалар билан жиноят иши қўзғатилиб, дастлабки тергов ҳаракатлари олиб борилаётгани маълум қилинди.
