Аввалроқ сайтимизда Самарқандда бир оиланинг 5 нафар аъзосини ўлдирган шахслар устидан суд бошлангани ҳақида хабар берган эдик.
Бугун, 6 сентябрь куни, жиноят ишлари бўйича Самарқанд вилоят суди биносида судланувчилар Ғолиб Ташанов (1981 йилда Самарқанд вилоятида туғилган, муқаддам судланмаган, вақтинча ишсиз), Жаҳонгир Усмонов (1993 йилда Самарқанд вилоятида туғилган, муқаддам судланмаган, вақтинча ишсиз), Шамшиддин Эсонбоев (1995 йилда Самарқанд вилоятида туғилган, муқаддам судланмаган, вақтинча ишсиз) ва Хабибулло Нурманов (1996 йилда Самарқанд вилоятида туғилган, муқаддам судланган, вақтинча ишсиз)га нисбатан жазо эълон қилинди.
Ушбу иш Ўзбекистон Республикаси Олий суди судяси Икром Муслимов ва судялар О. Арабов, Э. Эргашев раислигида кўриб чиқилди.
Суд жиноий ишни ҳамма тарафлама ва тўлиқ ўрганиб чиқиб Ғолиб Ташанов, Жаҳонгир Усмонов, Шамшиддин Эсонбоев ва Хабибулло Нурмановларга умрбод қамоқ жазоси тайинланди. Жазо муддати махсус тартибли колонияда ўтилади.
