Андижоннинг Асака туманида 55 ёшли фельдшер калтакланди. Бу ҳақда Соғлиқни сақлаш вазирлиги хабар қилди.
Маълум бўлишича шу йил 6 сентябр куни соат 20:00 ларда Асака туманидаги Тез тиббий ёрдам бўлимига қарашли “Шарқ ҳақиқати” шохобчасига оғир жароҳат олган бемор олиб келинган. Унга биринчи тиббий ёрдам кўрстилган. Лекин олиб келинган бемор калтакланиш оқибатида шу ҳолатга келиб қолганини билган шифокор Гадоев ИИБга хабар бермоқчи бўлганда уни фуқаро С.Н. калтаклай кетган. С.Н. фақат шу билан чегараланмай тез тиббий ёрдам автомашинасига ҳам зарар етказган. Натижада Гадоев туман шошилинч тиббий ёрдам бўлимига олиб борилган.
Ҳозирда С.Н. ушланган ва терговолди суриштирув ишлари олиб борилмоқда.
