Маълумотларга кўра, темирйўл кесишмасида автобус ва поезд вагони тўқнашиб кетган. Гувоҳларнинг маълумот беришича, йўл-транспорт ҳодисасида камида икки автобус ва битта Damas қатнашган.
Айни вақтда «Тошкент — Фарғона» йўли Ангрен шаҳрига етмасдан ёпилган, ЙПХ ходимлари автомобилларни Нуробод, Илғор, Қўшсой қишлоқларидан ўтадиган айланма йўлга йўналтирмоқда.
«Дарё» ҳодиса жойидан олинган фотосуратларни ҳавола қилди. Суратларда темирйўл вагонлари издан чиқиб кетганини, юк машинаси ва Damas’нинг мажақланиб кетганини кўриш мумкин.
Тегишли ваколатли органлар юз берган ҳодиса юзасидан яқин вақт ичида расмий ахборот бериши кутилмоқда.
