«Онам сув сўраб жон берди» – Навоийда ваҳший қотилликнинг янги тафсилотлари маълум бўлди (ВИДЕО)

12-09-2019, 14:28
Ҳодиса
«Онам сув сўраб жон берди» – Навоийда ваҳший қотилликнинг янги тафсилотлари маълум бўлди (ВИДЕО)
Навоий вилоятининг Навбаҳор туманида мудҳиш қотиллик содир этилгани, туман халқ таълими бўлими раҳбари Мадина Отаниёзова ўз эри томонидан ваҳшийларча ўлдирилгани ҳақида хабар берилган эди.

«Севимли» каналининг «Замон» информацион-таҳлилий дастурида қотиллик тафсилотларига ойдинлик киритилди, дея хабар қилди "Дарё".

Қайд этилишича, марҳума 6 сентябрда яхши кайфиятда ишдан қайтади. Қизига китоб совға қилади, устини алмаштириб чиқишини айтиб, ётоқхонага киради. Бироз вақтдан сўнг ётоқхонадан бақир-чақир овози эшитилади.

10 ёшли қиз отасининг доимгидек онасидан пул талаб қилишга келганини пайқаб, қўшниларни ёрдамга чақириш учун кўчага чиқади.

У қайтганида эса онаси қонга беланиб, сув сўраб жон бераётган эди, дейилади репортажда.

«Келганимда онам сув-сув деб бақирарди. Кейин кўзлари очиқ қолди, юмилмади, лаблари кўкариб, гапирмай қолди», — дейди марҳуманинг қизи.

«Икки ойча олдин келганимда эри билан бирга яшарди. Кейин умуман кўрмадим эрини мен. Қизимнинг эрини шу ҳолга келтиришини тасаввур ҳам қилолмайман», — дейди марҳуманинг онаси.

Воқеа жойига келган қўшнилар дарҳол тез ёрдам ва ички ишлар ходимларини чақирган.

«Бироқ энди кеч эди. Шу куни уйнинг орқа деворидан аёлнинг ётоқхонасига кирган ва унга 17 марта пичоқ урган қотил унинг эри Шавкат Раимов эди», — дейилади репортажда.

Шавкат Раимов қотилликни содир этгач, уйдаги шкаф тортмасидан пулларни олиб, воқеа жойидан қочиб кетган.

«Келишмай қолгандик. У билан гаплашиб олмоқчи эдим. Яхши гаплашмагани учун шундай қилдим. Қилган ишимдан пушаймонман», — дейди Шавкат Раимов.

Мудҳиш қотиллик содир этилган маҳаллада 200 дан ортиқ фуқаро иштирокида жиноят муҳокама этилди. Унда сўзга чиққанлар марҳумани масъулиятли раҳбар, иродали аёл сифатида ёдга олди.

«Арзимаган оилавий низо туфайли бугун икки фарзанд онасиз қолди. Марҳуманинг фарзандларини маҳалла фаоллари қарамоғига олиш истагини билдирди», — дейилади репортажда.

Ҳолат бўйича жиноят кодексининг тегишли моддалари билан жиноят иши қўзғатилган. Ҳозирда дастлабки тергов ҳаракатлари олиб борилмоқда.

ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Гули 15 сентябр 2019 12:08
Нахотки котиллик килиш шунчалар осон булиб колди.Инсонлар нега бунчалик вахшийлашиб кетишяпти?Нахотки охиратни хеч ким уйламай куйди.Астахфуруллох
Гулнора 20 сентябр 2019 19:44
Эсиз айол жудаям нурли фариштали айол экан боллари жалка хеч бир фарзандни ота онасидан айирмасин

МУНОСАБАТ БИЛДИРИШ

Сўнгги янгиликлар

Видео: Бухорода СЭОМ ходими хомиладор ҳамширани дўппослади. Ҳомила тушгани айтилмоқда

Бухорода СЭОМ ходими хомиладор ҳамширани дўппослагани айтилмоқда. Ҳодиса видеолавҳаси тармоқларда кенг тарқалди....
Кеча, 20:46

Ўзбекистонда яна 167 кишида COVID-19 аниқланди

Ўзбекистонда яна 167 кишида COVID-19 аниқланди. Айни вақтда умумий зарарланганлар сони 13360 нафарга етди. Янги...
Кеча, 17:37

«Барчаси оддий шамоллашдек бошланар экан» – «Беном» гуруҳи хонандаси Комил коронавирусга чалинди

«Беном» гуруҳи хонандаси Комил коронавирус юқтириб олди. Бу ҳақда “Дарё” нашри хабар қилди. Маълум бўлишича, хонанда...
Кеча, 17:00
/ Муҳокамалар +2

Фото: Сурхондарёда қиз фарзандини 10 млн сўмга сотаётган 28 ёшли она ушланди

Сурхондарёда қиз фарзандини 10 млн сўмга сотаётган 28 ёшли она ушланди. Бу ҳақда ИИВ Тергов департаменти хабар қилди....
Кеча, 16:03

Янгиланган валюталар курсида доллар яна ошди

МБ томонидан Янгиланган валюталар курси эълон қилинди. Унда доллар яна ошганини кўриш мумкин. Эртага, 14 июлдан кучга...
Кеча, 14:34