Тошкент шаҳар ИИББ: “Human” бандлик агентлиги” директори устидан жиноий иш қўзғатилди

20-09-2019, 15:45
Ҳодиса
Тошкент шаҳар ИИББ: “Human” бандлик агентлиги” директори устидан жиноий иш қўзғатилди
16-сентябрь куни Тошкент шаҳар Яккасарой тумани ИИО ФМБ жамоавий ариза келиб тушди, дея хабар қилди Тошкент шаҳар ИИББ.

Маълум бўлишича, жами 52 кишидан ташкил топган ва республиканинг турли ҳудудларида истиқомат қилувчи аризачилар маълум қилишларича, улар Ўзбекистон Республикаси Бандлик ва меҳнат муносабатлари вазирлиги томонидан 2018-йил ноябрь ойида тақдим этилган тегишли лицензияга эга бўлган “Human” бандлик агентлиги” МЧЖ билан 2018-йилнинг ноябрь ойидан 2019-йилнинг сентябрь ойигача шартномалар тузишган. Шартномаларга кўра, МЧЖ уларни Европа давлатларида, хусусан, Германия, Чехия, Япония, Туркия, Болгария ва Литвада ишга жойлаштириш мажбуриятини ўз зиммасига олган. Бунинг учун ҳар бир аризачи МЧЖнинг ҳисоб рақамига 18 дан 35 миллион сўмгача бўлган миқдордаги маблағни кўчирган. Шу тарзда “Human” бандлик агентлиги” МЧЖнинг ҳисоб рақамига 52 нафар аризачилардан умумий миқдорда 1 670 500 000 сўм келиб тушган.

Бироқ аризачилардан ҳеч бири чет элда ишга жойлаштирилмадию. МЧЖ жабрланувчиларга пулларни қайтариб бермаганлиги ҳақида Ўзбекистон Республикаси Бандлик ва меҳнат муносабатлари вазирлиги ўзининг расмий сайтида хабар берган эди (https://mehnat.uz/ru/news/ministerstvo-zanyatosti-i-trudovyh-otnosheniy-respubliki-uzbekistan-soobschaet).

Тергов-олди ҳаракатлари Яккасарой тумани ИИО ФМБ ва прокуратураси томонидан ҳамкорликда олиб борилди. Натижада Тошкент шаҳар прокуратураси томонидан Ўзбекистон Республикаси Жиноят кодексининг 168-моддаси, 4-қисми “а” банди (“Фирибгарлик, жуда кўп миқдорда”) бўйича жиноий иш қўзғатилди. Ҳозирги вақтда айбланувчи сифатида ушбу МЧЖ директори 29 ёшли Шохнур Ф. жалб қилинди, дейилади ИИББ ахборотида.

Юқоридаги аризачилардан ташқари, ҳозирги вақтда республиканинг бошқа вилоятларидан ҳам аризачилар мурожаат қилишмоқда.

Шунингдек, ИИББ агарда сиз ҳам ушбу агентлик ҳаракатларидан жабр кўрган бўлсангиз ёки ушбу иш бўйича маълумотга эга бўлсангиз, 71-230-98-40 рақами орқали мурожаат қилишни ҳам эслатиб ўтди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Чирчиқда 45 ёшли эркак 18 ёшли фуқарони ўғирлаб кетиб шафқатсизларча ўлдирди

Тошкент вилоятининг Чирчиқ шаҳрида қотиллик содир бўлди. Шу йил 9 сентябрь куни соат 20:30 да 45 ёшли М.М. Чирчиқдаги...
21-10-2019, 19:18

"700 доллар бермасанг эрига хиёнат қилди дейман" – Тошкентда "шантажлик"

Тошкентда 35 ёшли Абдувахоб Н. 37 ёшли Шахло Т.дан қўрқитиш йўли билан 700 доллар ишлаб олмоқчи бўлган. Маълум бўлишича...
21-10-2019, 18:22
/ Муҳокамалар +2

Видео: "Браво"даги Шаҳлога жамоадошлари "Каптива" совға қилди

"Браво" жамоаси аъзоси Шаҳло Зоировага жамоадошлари туғилгани куни муносабати билан автомашина совға қилишди. Ижтимоий...
21-10-2019, 18:07
/ Муҳокамалар +3

Қашқадарёда йигит ўз жонига қасд қилди

Қашқадарёнинг Қарши туманида 15 ёшли йигит ўз жонига қасд қилди. 2004 йилда туғилган Р.А. ўзини каналга ташлаб...
21-10-2019, 16:06

O‘zLiDeP: “Миллий тикланиш”нинг бизга рақиб сифатида майдонга чиқишига ҳали анча эрта”

O‘zLiDePни жиғига тегиш, уни асоссиз танқид қилиш ҳисобига обрў орттиришни мақсад қилиб олган Bayonoff.uz...
21-10-2019, 15:53
/ Муҳокамалар +1