Тошкентда яна бир "тез ёрдам" шифокори калтакланди.
Шу йили 29 сентябрь куни соат 23:30 ларда шаҳар 7-сон клиник шифохонасига 27 ёшли шифокор Жаҳонгир Х. олиб келинган. У турли тан жароҳати билан етказилган бўлган. Маълум бўлишича, аслида шифокор ўша куни 21 ёшли фельдшер билан бемор томон йўл олган. Лекин бемор Дилдора М.га укол қилгандан сўнг қизнинг акаси шифокор Жаҳонгир Х.ни урган.
Ҳозирда 29 ёшли Мирҳаёт М.га нисбатан Жиноят кодексининг 277-моддаси ("Безорилик") бўйича жиноий иш қўзғатилган.
