Фарғона вилоятида прокуратура ва ДХХ томонидан ташкил этилган тезкор тадбир натижасида пора талаб қилган ходимлар ашёвий далиллар билан қўлга олинди.
Маълум бўлишича, “Ер тузиш ва кўчмас мулк кадастри” давлат корхонаси Олтиариқ туман филиали мутахассиси Э.М. ва бошқалар туман ҳокимининг қарорини чиқартириб бериш учун фуқаро О.Н.дан 30 минг доллар талаб қилган. Улар фуқарога 5 гектар ер майдонини боғдорчилик учун ажратиш ҳақида туман ҳокимининг қарорини чиқартириб бермоқчи бўлган. Ходимлар талаб қилган пулнинг 22 минг доллари ва 28,5 млн. сўмни фирибгарлик йўли билан олаётган пайтда қўлга олинган.
Ҳозирда ҳолат юзасидан кадастр ходимларига нисбатан жиноят иши қўзғатилган ва тергов ҳаракатлари ўтказилмоқда.
