Тошкент шаҳар ИИББ ижтимоий тармоқларда тарқатилган “Тошкентда тунги клуб қўриқчилари ва “меҳмон” иштирокида жанжал бўлди. Бир йигит вафот этди” номли хабар юзасидан расмий маълумот берди.
Маълум бўлишича, шу йил 28 октябрь куни 24 ёшли Бобур З. ва 30 ёшли Мурод А.лар Чилонзордаги "Уголок" кафесида спиртлич ичимлик ичиб кафенинг қўриқчилари 21 ёшли Аҳмаджон А. ва 22 ёшли Далержон М.ларнинг эътирозига сабаб бўлган. Шундан сўнг улар низони ҳал этиш кўчада муштлашишган. Унинг натижасида Бобур З. енгил тан жароҳати олган ва таниши билан таксига чиққан. Таксида Мурод А.нинг мазаси қочган ва улар таксидан тушиб қолган. Шундан сўнг кўчада беҳосдан кўриб қолган "Тез ёрдам" шифокорлари уларни олиб кетган ва Мурод А. йўлда вафот этган.
ИИБнинг маълум қилишича, Мурод А. ҳеч қандай муштлашув натижасида вафот этмаган, у ўткир юрак қон томир етишмовчилиги ва спиртли ичимликдан заҳарланиш оқибатида ҳалок бўлган. Буни суд тиббий ташҳиси тасдиқлаган.
Ҳозирда ҳодиса Чилонзор туман прокуратураси томонидан ўрганилмоқда. Шунингдек, кафенинг иккита қўриқчиларга ҳам Жиноят Кодексининг 277-моддаси (Безорилик ) 2-қисми “б” банди билан жиноят иши қўзғатилган.
Шу билан бирга пойтахт ИИББ фуқаролардан норасмий хабарларга таяниб хулоса қилмасликни сўраб қолган.
“Безорилик” жинояти ва Муроднинг ўлими ўртасидаги боғлиқликка эса тергов жараёнида аниқлик киритилади ва натижаси бўйича батафсил ахборот берилади, деб қўшимча қилди ИИББ.
