Ижтимоий тармоқларда етим бола калтакланган видеолавҳа тарқалган эди. Кеча, 31 октябрь куни ушбу ҳодисани уюштирганларга суд ҳукми ўқилди.
Маълум бўлишича,Самарқанд шаҳри маъмурий судининг очиқ суд мажлисида У.Ҳ.ни калтаклаган Ҳ.И. ва И.З.га нисбатан суд иши кўриб чиқилган. Унга кўра ҳуқуқбузар Ҳ.И. Маъмурий жавобгарлик тўғрисидаги кодекснинг 183, 195 ва 194-моддаси («Майда безорилик», «Ички ишлар органлари ходимларининг ўз хизмат бурчларини бажаришларига қаршилик кўрсатиш» ҳамда «Ички ишлар органлари ходимининг қонуний талабларини бажармаслик») 1-қисмида кўрсатилган маъмурий ҳуқуқбузарликларни содир этган деб топилиб 12 сутка маъмурий қамоқ жазоси тайинланди. И.З. эса 11 сутка маъмурий қамоқ жазосини ўтайди, дея хабар қилди "Зарньюс".
