Аввалроқ сайтимизда Тошкентдаги пластик жарроҳлик клиникасида беморлар вафот этгани ҳақида хабар берган эдик. Бош прокуратура ҳолат юзасидан маълумот берди.
Маълум бўлишича, шу йилнинг август ойида пойтахтнинг Шайхонтоҳур туманида жойлашган «Mont Blanc» хусусий шифохонасида уч фуқаро вафот этган. Дfстлаб 1 август куни фуқаро У. Бахранов бурнинининг қийшиқлиги учун клиникага мурожаат қилган ва жарроҳлик амалиётидан сўнг аҳволи ёмонлашиб Москвага даволанишга жўнатилган. Лекин Бахронов тиббий муолажаларга қарамасдан вафот этган.
15 август куни эса қозоғистонлик Л.Апостолова ўша клиникага ташқи бурун деформацияси ва бурун тўсиғи қийшайишини тўғирлаш учун мурожаат қилиб, жарроҳлик амалиётини ўтаган. Шундан сўнг унга «цефтраксон» дори воситаси томир орқали юборилган. Ўша вазиятдан сўнг Апостолованинг аҳволи жуда ўғирлашган ва 19 август куни РШТЁИМда вафот этган.
24 агустда клиникага бошқа бир бемор Г.Шарифова ҳам бурнини операция қилиш учун борган. Лекин унга наркоз нотўғри таъсир қилган ва аҳволи ёмонлашиб 26 августда «Аkfа medline» хусусий шифохонасининг жонлантириш бўлимида вафот этган.
Ушбу ҳолатлар Бош прокуратура томонидан ўрганилиб 12 ноябр куни жиноят иши қўзғатилган.
Шунингдек, Шайхонтоҳур туман рокуратураси томонидан юқоридаги каби ҳолатларни келгусида содир этилишини олдини олиш бўйича Соғлиқни сақлаш вазирилигига тақдимнома киритилган.
