Бухоро вилояти Ромитан туманида ДСИ давлат солиқ инспектори Суннат Жумаев чўкаётган болани қутқариб қолди.
Маълум бўлишича Жумаев ҳамкасби билан қарзни ундириш учун бораётганда “Хайробод” каналида чўкаётган 1-сонли умумтаълим мактабининг 3-синф ўқувчиси Шаҳромбек Зариповни кўриб қолади. Жумаев шу заҳоти машинани тўхтатиб ўзини сувга ташлаб, болани қутқариб қолади. Атрофдагилар болани таниб уни ота-онасига топширади. Ҳозирда боланинг аҳволи яхши эканлиги айтилмоқда.
Хабар қилиниишича бола қўлидаги термосни сувга тушириб олган ва уни олиш каналга тушганда сув оқизиб кетган. Болани қутқарган ходимга солиқ қўмитасининг буйруғи билан Фахрий ёрлиқ ва солиқ хизматининг I даражали инспектори унвони навбатдан ташқари тақдим этилди.
