Самарқандда куёв тўй куни арафасида пичоқлаб ўлдирилди

Самарқандда куёв тўй куни арафасида пичоқлаб ўлдирилди
Самарқанд вилоятида аянчли ҳолат содир бўлди. Бу ҳақда Жиноят ишлари бўйича Самарқанд вилоят суди раисининг ўринбосари Ўткирбек Мамадалиев ва Жиноят ишлари бўйича Каттақўрғон шаҳар судининг раиси Абдусаттор Абдураззоқовлар “постда.уз”га маълум қилди.

Воқеа Абдумалик аканиг (исмлар ўзгартирилган) уйида содир бўлган. У ўғли Анварни уйлантириш учун тўй тараддудини бошлаб юборган эди. Тўйдан бир кун олдин куёвнинг синфдошлари сабзи тўғраш учун Анварнинг уйида йиғилишади. Сабзи кичиклик қилгани учун улар тўғралган сабзи олишга пул йиғишга келишиб олишади. Куёвнинг 12 дўсти 10 минг сўмдан йиғса 120 минг сўм бўлиши, шу пулга тўғралган сабзи олиб келишга келишиб олишади. Шу заҳоти Қодир ҳаммадан пул йиғишни бошлайди. Бу орада Собир фақат 5 000 сўми борлигини айтади. Бунга жавобан Жаббор Собирни изза қилиб “сен пастсан” дейди ва Қодирга пулини қайтариб беришни, у учун ҳам ўзи тўлашини айтиб уни изза қилади. Бунга чидай олмаган Собир уни урмоқчи бўлади, атрофдагилар уларни ажратади. Пул йиғилгандан сўнг улар Анварнинг машинасида тўғралган сабзига кетмоқчи бўлиб турганда Жаббор Собир билан яна ўчакишиб “бир муштимга чидамайсан, мен билан ўйнашма!..” дейди. Бундан жаҳли чиққан Собир эса чорпоядаги пичоқни олиб унга бор кучи билан силтанади. Ўша вақтда уларни ажратмоқчи бўлган куёв Анварнинг бошининг орқа қисмига пичоқ санчилиб қолади. Анвар дарҳол шифохонага ётқизилади ва 2 ҳафта кома ҳолатидан сўнг вафот этади.

Тўй азага айланди. Сабзи сабаб келиб чиққан кичик муаммо бир инсоннинг ўлимига сабаб бўлди.

Манба маълумотида айбдорга қандай жазо қўллангани маълум қилинмаган.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Ҳодиса » Самарқандда куёв тўй куни арафасида пичоқлаб ўлдирилди