Тошкентда ваҳший қотиллик содир этилди. Бу ҳақда “Jahon.uz” хабар қилди.
Маълум бўлишича фуқаро Талъат Юнусов (барча исм-фамилиялар ўзгартирилган) шаҳардаги кўз касалликлари шифохонасида ишлаган. У ўзидан 7 ёш кичик аёли Шаҳинанинг ўйнаши томонидан ўлдирилган.
Аёл телеграмда тенгдоши Сарвар Тошмуҳаммедов билан 2016 йилда танишиб қолган. Улар тинмай суҳбатлашиш натижасида яқин муносабатга киришиб олишади ва орада хиёнат ҳам бўлади. Шундан сўнг Сарвар Шаҳинага эри билан ажрашишни ва унга турмушга чиқишни таклиф қилади. Бунга эса Шаҳина рад жавобини беради. Ғазабланган Сарвар Шаҳинанинг эри Талъатни йўқ қилиш пайига тушади. У ушбу режани амалга ошириш учун муқаддам судланган 24 ёшли Мустафо Темировдан ёрдам сўрайди, у эса йўқ демайди.
Кунларнинг бирида улар Талаътга гўёки бемор борлигини, у шифохонага келолмаслигини, уйга бориб даволашни илтимос қилиб келади. Талъат эса бунга кўнади ва анжомларини олган ҳолда Сарвар томонидан олдиндан ижарага олиб қўйилган, шаҳар четидаиги уйга боришади. У ерда қотиллар Талъатни уриб, арқон, скотч ёрдамида боғлаб қўяди. Талъатнинг “Нима учун, айбим нима?” деган саволига С.Тошмуҳамедов “Сенинг хотининг менинг жазманим, у билан кўнгилхушлик қилишимга шунча вақтдан буён халақит қилиб келдинг, энди бунга чек қўяман” деб дағдаға қилади. Улар Талъатни уч кун сувсиз, овқатсиз сақлаб туришади ва учунчи куни бўғиб ўлдиради. Шундан сўнг улар жасадни яна бир таниши М.Мераимовнинг Газелига солиб Чирчиқ дарёси бўйига кўмиб қўяди. Мераимовга эса ҳеч кимга айтмасликни буюради.
Шундан сўнг ўғлининг йўқолиб қолганини сезган Талъатнинг онаси ҳуқуқ тартибот органлирга мурожаат қилади. Тезкор қидирув натижасида айбдорлар ушланади. Маълум бўлишича улар Талъатнинг анжомларини сотиб юборишган, пластик картадаги 4 миллион сўмни эса ишлатиб юборган.
Воқеа юзасидан бўлиб ўтган судда С.Тошмуҳамедовга 18 йил, М.Темировга 17 йилга озодликдан маҳрум қилқиш жаъоси тайинланди. Мераимовга ҳам тегишла жазо тайинланган.
