Самарқандда университет талабалари йигит ва қизни бир хонада видеога олиб уни тарқатиб юбориш билан таҳдид қилди ва пул сўради. Бу ҳақда 7news.uz хабар қилди.
Маълум бўлишича, университет талабалри 1995 йилда туғилган тайлоқлик М.М., 1992 йилда туғилган иштихонликлар М.Р. ва 1998 йилда туғилган Ж.Ў.ларга нисбатан жиноят иши қўзғатилган бўлиб, улар товламачилик қилишда гумонланмоқда.
Талабалар М.М. ва М.Р.лар бир кунга ижарага уй олган Э.А. ва Н.М.(қиз бола)ларни уйида ёлғиз қолган пайт видеотасвирга олган. Улар шундан сўнг Э.А.ни ушбу видеони тарқатиб юбориш билан қўрқитиб 500 доллар талаб қилган. Шунингдек, улар Э.А., Н.М. ва Ф.Х.(ушбу шахснинг воқеага қандай алоқаси борлиги ҳақида манба хабарида айтилмаган)ларнинг паспортини ҳам олиб қўйган.
Шундан сўнг келишилган пулни олаётган вақтда талабалар Самарқанд шаҳар ИИБ ЖҚБ ходимлари томонидан қўлга олинган.
