Бош прокуратура актриса Мадина Мухторванинг ўғли калтакланганини маълум қилди.
Матбуот хизматининг хабар беришича актрисанинг ўғли М.Алимжоновнинг калтаклангани юзасидан судга оид тиббиёт экспертизаси ўтказилган. 2020 йил 4 январдаги хулосага кўра Алижонов калтаклангани, танасида аниқланган жароҳатлар – соғлиқнинг қисқа муддатга бузилишига олиб келган енгил тан жароҳатлари туркумига киришлиги аниқланган.
Шунга кўра 4 январь куни Юнусобод тумани прокуратураси томонидан ЖКнинг 109-моддаси 2-қисми билан жиноят иши қўзғатилди.
Ҳозирда жиноят иши бўйича Юнусобод тумани ИИО ФМБ ТБ томонидан дастлабки тергов ҳаракатлари олиб борилмоқда.
