Жорий йил 5 январь санасида 46 ёшли А.Н. бошқарувидаги "Нексия" автомашинаси "Isuzu" автобуси билан тўқнашиб кетди. Улар Конимех тумани томон ҳаракатланиб кетаёганда Ғиждувонда ЙТҲ содир бўлган. Маълум бўлишича "Нексия"да ҳайдовчидан ташқари яна 5 нафар йўловчи бўлган. ЙТҲ ҳайдовчининг бошқарувни йўқотиши натижасида содир бўлган. Ҳодиса оқибатида "Нексия"нинг икки йўловчиси 58 ёшли А.Х. тан жароҳати олиб, ҳодиса жойида 28 ёшли М.У. эса кўрсатилган тиббий муолажаларга қарамасдан шифохонада вафот этган. Яна бир фуқаронинг аҳволи оғир экани айтилмоқда. Шунингдек, автобуснинг 4 йўловчиси шифохонага ётқизилган.
Ҳозирда ҳолат юзасидан "Нексия" ҳайдовчисига нисбатан ЖКнинг 266-моддаси 3-қисми (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
