Аввалроқ Самарқанднинг Иштихон туманида сингил опасини пичоқлагани ҳақида хабар берган эдик. Қизнинг ушбу ҳаракатига рашк сабаб бўлгани айтилган.
Опа-сингил воқеа содир бўлган куни маст ҳолатда бўлган, дея хабар қилди EVERYDAY.UZ мухбири Замон ИД тайёрлаган видеолавҳага таяниб.
“Соат 17:30ларда уйдан чиқиб кафега бордик. Буюртма бердик, ароқ, товуқ, нон. Бирга ичдик. У кўпроқ ичди. Мен икки марта ичдим. Кўчадан пиво олдик. Шундан сўнг мактабимиз ёнидан ўттик. Кўчада иккимиз жанжаллашиб қолдик”, – дейди гумонланувчи Барно Муҳкаммадиева.
Суҳбат орасида Барно опаси Анора бир йигит билан ишқий муносабатда бўлганини билиб қолади. Рашк сабаб жанжал кўтарилади.
Шундан сўнг жанжал давом этаверган ва Барно уйдан пичоқ олиб чиқиб Аноранинг бўйнига санчиган.
“Кейин қаерларига уриб ташлаганман, билмайман”, – дейди Барно.
Хабар қилинишича оилада улардан бошқа яна уч фарзанд бор. Уларни онанинг ёлғиз ўзи ўстирган.
Ҳозирда ҳолат юзасидан тергов ҳаракатлари давом этмоқда ва қиз қамоқда сақланмоқда.
