Андижон вилоятида фуқаро ўзига ўт қўйиб юборди. Бу ҳақда EVERYDAY.UZ мухбири хабар.уз маълумотига таяниб хабар қилди.
Маълум бўлишича фуқаро суд қароридан норозилигини билдириш учун ўзини йқиб юборган. Ушбу ҳолат юзасидан Бош прокуратура ҳузуридаги Мажбурий ижро бюроси матбуот хизмати ҳам баёнот берди.
Баёнотда МИБ ходимлари суд қарорига кўра фуқаро З.Г. ҳамда оила аъзоларини Андижон тумани, Айрилиш МФЙдаги уйидан мажбурий кўчириб, ўрнига даъвогар М.Б.ни ушбу уйга кўчириш бўйича иш юритиши кераклиги айтилган. Шу мақсадда ходимлар шу йилнинг 21 январь куни З.Г.нинг уйига борган. Лекин тарафлар ўртасидаги келишмовчилик сабаб иш 22 январга қолдирилган. Шу сабабдан ходимлар ва масъуллар уйдан чиқиб кетаётган вақтда жавобгар Х.Г. ўзини ёқиб юборган. Натижада унинг танасининг 45 фоизи куйган ва касалхонага ётқизилган.
Ҳозирда ҳолат юзасидан Андижон туман прокуратураси томонидан текшириш ишлари олиб борилмоқда.
Шунингдек, баёнотда МИБ қонуний кучга кирган суд ҳужжатларини ҳеч қандай муҳокамаларсиз бажариши шарт эканини эслатган.
Нима бўлгандаям суд қарори ижросини ўз-ўзига ўт қўйиш орқали тўхтатишга уринишни тўғри танлов эмас, деб ҳисоблаймиз, - дейилади баёнотда.
