Қашқадарё вилоятининг Якабоғ туманда босқинчи қўлга олинди. Бу ҳақда EVERYDAY.UZ мухбири Тергов департаменти маълумотига таяниб хабар қилди.
Маълум бўлишича шу йил 17 январь куни соат таҳминан 04:00 ларда ниқоб таққан шахс 57 ёшли Н.Р.нинг уйига бостириб кирган ва ухлаб ётган фуқарони пичоқ билан қўрқитиб, 50 минг доллар талаб қилган. Н.Р. пули йўқлигини айтган ва ниқобли шахс эртаси куни келиб пул олиб кетишини, ҳуқуқ тартибот органларига хабар берса уни ўлдириш билан қўрқитиб телевизорни синдириб кетган.
Шундан сўнг тезкор тадбир натижасида ниқобли шахс ушланган. Босқинчи олдин судланган 37 ёшли Ф.Қ. экани маълум бўлган.
Ҳолат юзасидан жиноий иш қўзғатилган. Текширув натижасида эса Ф.Қ.нинг яна бир жинояти фош этилди. У 6 январь куни А.Б.нинг дўкони омборидан 572.000 сўмлик буюмларни ўғирлагани аниқланган. Энди Ф.Қ. қилган ишлари учун қонун олдида жавоб беради.
