Аввалроқ сайтимизда Андижонда фуқаро ўзини ёқиб юборгани ҳақида хабар берган эдик. Маълум бўлишича 45 фоизга куйиш жароҳатини олган фуқаро вафот этган.
У суд қароридан норозилигини мана шу йўл билан кўрсатмоқчи бўлган. Воеқа содир бўлгандан сўнг МИБ расмий баёнот берган эди.
Баёнотда МИБ ходимлари суд қарорига кўра фуқаро З.Г. ҳамда оила аъзоларини Андижон тумани, Айрилиш МФЙдаги уйидан мажбурий кўчириб, ўрнига даъвогар М.Б.ни ушбу уйга кўчириш бўйича иш юритиши кераклиги айтилган. Шу мақсадда ходимлар шу йилнинг 21 январь куни З.Г.нинг уйига борган. Лекин тарафлар ўртасидаги келишмовчилик сабаб иш 22 январга қолдирилган. Шу сабабдан ходимлар ва масъуллар уйдан чиқиб кетаётган вақтда жавобгар Х.Г. ўзини ёқиб юборган. Натижада унинг танасининг 45 фоизи куйган ва касалхонага ётқизилган бўлган.
Ҳолат юзасидан Андижон туман прокуратураси томонидан текшириш ишлари олиб борилаётгани айтилганди.
Шунингдек, баёнотда МИБ қонуний кучга кирган суд ҳужжатларини ҳеч қандай муҳокамаларсиз бажариши шарт эканини эслатган.
