2019 йилнинг 14 ноябрь санасида Қашқадарё вилоятининг Миришкор туманида Қумбанги МФЙдаги уйда ёнғин чиққан. Бу ҳақда EVERYDAY.UZ мухбири хабар қилди.
"Хабар.уз"нинг маълум қилишча ўша воқеада 1998 йилда туғилган аёл Д.Н. вафот этган. Униг эри 1991 йилда туғилган С.Баҳромов эса хотинига ёрдам бермай, ўзининг ҳаётини сақлаб қолган. Ўша куни эрга нисбатан ЖКнинг 117-моддаси 2-қисми («Ҳаёти ёки соғлиғи хавф остида қолган ва ўзини ўзи ҳимоя қилиш имкониятидан маҳрум бўлган шахсга ёрдам кўрсатмаслик») билан жиноий иш қўзғатилган.
Тергов ҳаракатлари давомида кейинчалик янги тафсилотлар маълум бўлган. Шу йил 26 январ куни эълон қилинган айбловда гумонланувчига нисбатан ЖКнинг 117-модда 2-қисмидан 97-модданинг 2-қисмига («Жавобгарликни оғирлаштирадиган ҳолатда қасддан одам ўлдириш») кўра янги айб эълон қилинди ва Баҳромов эҳтиёт чораси сифатида қамоққа олинди.
