Сирдарёдаги даҳшатли ЙТҲда "Дамас"да бўлган 5 нафар фуқаро ҳалок бўлди

1-02-2020, 12:06
Ҳодиса
Сирдарёдаги даҳшатли ЙТҲда "Дамас"да бўлган 5 нафар фуқаро ҳалок бўлди
Бугун, 1 февраль куни Сирдарё вилоятининг Гулистон шаҳрида аянчли ЙТҲ содир бўлди. Бу ҳақда EVERYDAY.UZ мухбири хабар қилди.

Маълум бўлишича, 19 ёшли Ш.Б. ўзининг "Кобальт"ида бошқарувни йўқотиб, қарама-қарши томонда келаётган "Дамас"га бориб урилган. Ҳодиса натижасида "Дамас"нинг ҳайдовчиси 21 ёшли С.М., йўловчилари 55 ёшли Ш.А., 27 ёшли Д.Э., 28 ёшли М.С.лар воқеа жойида, 24 ёшли С.А. эса шифохонада вафот этган. Яна 3 фуқаро шифохонага ётқизилган.

ИИВ ҳузуридаги Тергов департаментининг маълум қилишича ҳолат юзасидан жиноий иш қўзғатилган.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Абдурахмон 1 феврал 2020 16:21
Машина хайдаш хукукини 25 ёшдан бошлаб бериш керак
Муминжон 2 феврал 2020 11:42
Оллох рахаматига олсин амин.
Халқ 2 феврал 2020 16:10
Абдурахмон тўғри айтибди
Анвар 2 феврал 2020 17:31
Гулистонда Cobalt ва Damas тўқнашиши натижасида 5 киши ҳалок бўлибди.

Менга жамиятнинг йўл-транспорт ҳодисаларига бўлган муносабати доим ҳайрон қолдиради. Бошқа бирор ҳодисадан онда-сонда 5-6 киши вафот этса, катта муҳокамаларга сабаб бўлади, ҳамма қайғуради, ўксинади, кўзига ёш олади, давлатдан мотам эълон қилишни талаб этади. Умуман олганда бу тўғри, ҳар бир фожиа ортидаги ўлим бизни хавотирга солиши керак. Аммо...

Аммо йўлларда ҲАР КУНИ (!) шунча одам вафот этса, пинагимизни ҳам бузмаймиз. Оддий ҳолдек қабул қиламиз буни. Ўқимасдан ўтиб ҳам кетамиз.

Масалан, 2020 йилнинг 1-10 январь кунлари, яъни 10 кун ичида йўллардаги ҳалокатлар туфайли 35 киши ҳаётдан кўз юмган. Тасаввур қиляпсизми, 10 кунда 35 киши!!!

Аслида Сизу биз ёки фарзандларимиз Қозоғистон йўлларида ёхуд метро қурилишида вафот этиши эҳтимоли 0,1% га тенг. Аммо йўлларда қайсидир аҳмоқнинг хатоси билан ўлиб кетишимиз эҳтимоли жуда ва жуда юқори.

Нима учун мана шунақа ҳолларда дод-вой қилмаймиз, масъулларни сўроққа тутмаймиз, атрофимиздаги одамларни йўлларда ўпкасини босиб юришга чақирмаймиз, қонунларга бўйсунишни ўзимиздан бошламаймиз? Нима учун?!

Боз устига йўллардаги қоидабузарликнинг видеосини ички ишлар органларига юборишни сўрашса, айрим ақллилар ўзича буни номардлик, “стукачлик” деб баҳолайди. Э, ўргилдим сендака марддан! Йўлда қоидани бузмасдан, битта жойингни ғижимлаб юр, бировларни номардликда айблагандан кўра. Сенинг “крутой”лигингни деб, ҳар йили 2 мингдан ортиқ юртдошимиз ҳалок бўляпти, яна бир неча минг нафари бир умрга ногирон бўлиб қоляпти. Тағин ақл ўргатганинга ўламанми...

Ҳурматли дўстлар, йўлларда ҳушёр бўлинг, қоидаларга амал қилинг. Ўзгаларнинг қонунни беписандларча бузаётганини кўрсангиз, ҳеч иккиланмасдан видеосини тегишли органларга юборинг.

Бу асло номардлик эмас, Сиз бу ишингиз билан кимнингдир ҳаётини сақлаб қолишга ҳисса қўшган бўлишингиз мумкин. Жамоатчилик назоратини кучайтирмасак, ҳар куни қурбонларимиз сони ошаверади.

Эртага ўша жасадлар орасида ёки Сиз, ёки мен ҳам бўлишим мумкин, тушуняпсизми шуни?

Аллоҳ ҳар биримизни фалокатлардан ўзи асрасин. Йўлларда ҳалок бўлганларни ўз раҳматига олсин, илоҳим.
Санам Ганжаевна 2 феврал 2020 21:22
якинда йулда кимнингдир ахмоклиги билан еки ичкиликдан содир булаетган ходисалар короновирусдан хам утиб кетади
Анвар 5 феврал 2020 18:48
Дамасларда йуловчи ташишни такиклайдиган замон келди манимча

МУНОСАБАТ БИЛДИРИШ

Сўнгги янгиликлар

Зарина Низоммиддинова яна бир марта фарзандининг отаси ҳақида берилган саволга жавоб берди

Актриса Зарина Низовоммиддинова Инстаграмдаги саҳифасида мухлислари билан савол жавоб қилди. Актрисага энг кўп савол...
Бугун, 17:55
/ Муҳокамалар +1

Халқ артисти Шафоатхон Раҳматуллаеванинг аҳволи ҳақида маълумот берилди

Аввалроқ актриса Шафоатхон Раҳматуллаева шифохонага ётқизилгани ҳақида ёзган эдик. Халқ артисти Фарғона вилоятидаги...
Бугун, 17:25
/ Муҳокамалар +2

Кимлар коронавирусга қайта чалиниши мумкин?

Аввалроқ Ўзбекистонда коронавирусга такрор чалинаётганлар кузатилаётгани маълум қилинган эди. Бу ҳақда коронавирусга...
Бугун, 16:49

Видео: Жавлон Шодмонов илк бор хонанда Мўмин Ориповнинг ўлимига сабаб бўлган ЙТҲ ҳақида гапирди

Продюсер, актер Жавлон Шодмонов журналист Феруз Муҳаммадга интервью берди. Интервьюда Шодмонов илк бор хонанда Мўмин...
Бугун, 10:50

Ўзбекистонда ҳаво ҳарорати -2 даражага тушиб кетиши кутилмоқда

Ўзбекистонга совуқ ҳаво оқими кириб келмоқда. Бу ҳақда Ўзгидромет хабар қилди. 28 октябрдан бошлаб Ўзбекистонда тунги...
Бугун, 10:38