Хабарингиз бор ўзбекистонлик ММА жангчиси Мурод Хўнтўраев номаълум шахслар томонидан пичоқлаб кетилган эди.
Бугун унинг отаси Муҳаммадусмон Хонтўраев ўғлининг аҳволи ҳақида гапирди. Унинг таъкидлашича спортчи ўша куниёқ касалхонадан чиққан ва ҳозирда аҳволи яхши. Шунингдек, ота турли хил сайт ҳамда блоггерларга вазиятни билмасдан бўлар-бўлмас нарсаларни ёзишни бас қилишини сўраган. Ҳозирда ушбу ҳолат бўйича тегишли орган вакиллари вазиятни ўрганмоқда.
Муҳаммадусмон Хонтўраев энди ўғли жанг қилмаслиги мумкинлигини ҳам қўшимча қилди. “Ўғлимнинг ёши ҳам бир жойга бориб қолди, шу ёшда урушиб юрмаса керак. Ёшларга йўл берсин”, – деди спортчининг отаси.
Қуйида Мурод Хўнтўраевнинг отаси билан амалга оширилган суҳбат видеосини тақдим этамиз.
