Сирдарё вилоятининг Оқолтин туманидаги Сардоба шаҳарчаси «Кўркам диёр» МФЙ Работ кўчасидаги уйда ёнғин содир бўлди.
Ҳодиса бугун, соат таҳминан 02.40 ларда юз берди. Воқеа жойини ёнғинни ўчириш хизмати вакиллари соат 03.00 тўлиқ қуршаб олиб, соат 03.45 ларда ўчиришган. Натижада уйнинг кириш йўлаги ва ётоқхонасининг 40 квадрат метр майдондаги уй жиҳозлари ёнган.
Унинг оқибатида оиланинг 6 нафар аъзоси ҳалок бўлди. 1972 йилда туғилган Б.З. (уй эгаси), 1976 йилда туғилган Н.Х. (уй эгасининг турмуш ўртоғи), 1996 йилда туғилган О.Ш. (уй эгасининг қизи), 2006 йилда туғилган О.Д. (уй эгасининг қизи), 2010 йилда туғилган О.А. (уй эгасининг ўғли), 2018 йилда туғилган Н.Н. (уй эгасининг невараси) вафот этган.
Ҳодиса жойига тегишли мудтасадди вакиллари келишган ва ҳозирда ушбу ҳолат юзасидан дастлабки терговолди суриштирув ишлари олиб борилмоқда.
