Тошкент шаҳрида 21 нафар “Тавхид ва жиход катибаси” халқаро террористик ташкилотига алоқадорлар қўлга олинди.
Маълум бўлишича, шу йил 19 феврал куни пойтахтнинг 18 манзилидан халқаро террористик ташкилотга молиявий ёрдам бериб келган ва уларнинг сафига қўшилишни режалаштирган 21 нафар шахс ушланган. Улар бевосита “Тавхид ва жиход катибаси” халқаро террористик ташкилотида фаолият юритаётган, Ўзбекистон фуқароси, 1996 йилда Тошкентда туғилган А.Шодибековнинг ғоявий таъсирига тушиб қолган ва унинг жиноий фаолиятига шерик бўлиган.
Пойтахтда қўлга олинганлар ЖКнинг 1552-моддаси 1-қисмига (Террорчилик фаолиятини амалга ошириш мақсадида ўқувдан ўтиш) асосан қўзғатилган жиноят иши доирасида ушланган.
Тошкент шаҳар ИИББнинг келтирган маълумотига кўра “Тавхид ва жиход катибаси” халқаро террористик ташкилоти Ўзбекистон Республикаси Олий судининг 2016 йил 26 сентябрдаги қарорига асосан Ўзбекистон Республикаси худудида таъқиқланган ташкилотлар рўйхатига киритилган.
