Тошкентда италиялик модел Джорджо Гено ўлик ҳолда топилди.
Италия фуқароси жонсиз ҳолда шу йил 16 феврал куни, таҳминан 23:00 ларда топилган. У Тошкентда ижарада яшаган. Унинг жасадини уй эгаси топган. Генонинг ота-онаси боласи билан алоқага чиқа олмаётганини айтиб уй эгасидан хабар олишни сўраган. Италия фуқароси собиқ СССР таркибида бўлган давлатларда яшашни яхши кўрган. У аввалроқ Австралияда ҳам яшаган.
Унинг танасида жароҳат аломатлари йўқ. Шунингдек, уй эшиги ҳам бузилмаган. Ҳозирда суд тиббий экспертизаси ўтказилмоқда.
