Наманганда ота 1 яшар ўғлини каналда чўктириб юборди

Наманганда ота 1 яшар ўғлини каналда чўктириб юборди
Наманган вилоятида ота ўз фарзандини чўктириб юборди. Бу ҳақда EVERYDAY.UZ мухбири Бош прокуратура бошқарма катта прокурори Лазизжон БАРАКАЕВнинг маълумотига таяниб хабар қилди.

Маълум бўлишича, 2018 йилда турмуш қурган Равшан ва Роҳила (исмлар ўзгартирилган) фарзандли бўлгач кўплаб уруш-жанжаллардан сўнг ажрашиб кетишди. 2019 йилнинг апрел ойида суд бола уч ёшга тўлгунча отанинг даромадининг 70 фоизини алимент тариқасида тўлаб бориши ҳақида қарор чиқарди. Шундан сўнг боласи ўзиники эмаслигидан гумонланиб юрган ва алимент тўлаб аламга тўлиб юрган Равшан май ойида ҳафтанинг шанба ва якшанба кунлари болани онасининг иштирокида икки соатга кўришиш тартибига эришди.

Шу зайлда кунларнинг бирида июнь ойида Равшан қайнонасининг уйига бориб хотинига болани олиб чиқишни айтади. Аёл эса вақти йўқлигини айтади. Шунда Равшан бир пиёла чой олиб чиқишни буюради ва ўша заҳоти Равшан болани олиб Катта Фарғона томонга бориб, уни сувга ташлаб юборади. 1 ёшга ҳам тўлмаган бола эса сувда оқиб, нобуд бўлади. Орадан кўп ўтмай Равшан отаси билан Наманган шаҳар ички ишлар бошқармасига борди ва айбига иқрор бўлиб, бор гапни айтиб берди.

Ҳодиса юзасидан бўлиб ўтган судда, Жиноят ишлари бўйича Наманган вилояти суди қотил отага 18 йил қамоқ жазоси тайинлади. Шу билан бирга у жазонинг дастлабки 2 йилини турма режимида, қолган қисмини умумий тартибдаги колонияларда ўташи белгиланди.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Ҳодиса » Наманганда ота 1 яшар ўғлини каналда чўктириб юборди