Тошкент шаҳри ва пойтахт вилояти ҳудудида тезкор тадбир натижасида жиноий гуруҳ аниқланди.
Маълум бўлишича, пойтахт ва унинг вилоятида 24 та манзилда амалга оиширилган ишлар натижасида 21 нафар шахс ноқонуний диний йиғилишлар ўтказиб, унда Суриядаги халқаро террористик ташкилотлар ғояларини тарғиб қилиб, уларни фаолиятини қўллаб-қувватлаб, ушбу ташкилотлар сафига бориб қўшилишни режалаштириб келганлиги аниқланди. Улар қўлга олинди.
Уларга нисбатан Ўзбекистон Республикаси Жиноят кодексининг 2442-моддаси 1-қисми (Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга рахбарлик қилиш, уларда иштирок этиш) билан жиноят иши қўзғатилган.
Ушбу шахсларнинг яшаш манзилларидан жиноятга алоқадор бўлган ашёвий далиллар топилиб, қонуний тартибда расмийлаштирилиб олинди ва тергов-суриштирув ишлари давом эттирилмоқда, дейилади Тошкент шаҳар ИИББ ахборотида.
Интернетдан олинган сурат.
