Наманган вилоятида йигит дўстини ўлдириб, чиқиндихонага кўмиб қўйди. Бу ҳақда "Дарё" хабар қилди.
Ҳодиса Чуст туманида содир бўлди. 1995 йилда туғилган Д.Ибрагимов тенгдоши Х.Салижоновни ўлдирди.
Йигитлар ўртасидаги можаро қарз сабаб юзага келган. Ибрагимов Салижоновга телефон пулини бериши керак бўлган.
Ибрагимов можаро пайтида Салижоновнинг бошига темир жисм билан бир неча маротаба урган. Оқибатда Салижонов вафот этган. Жиноят изини яшириш мақсадида Ибрагимов дўстининг жасадини чиқиндилар орасига кўмиб қўйган.
Ҳозирда Ибрагимов ҳуқуқ тартибот органлари ходимлари томонидан ушланган.
