Фарғона давлат университети проректори А.А.га нисбатан жиноий иш қўзғатилди.
Маълум бўлишича проректор 2019/2020 йилги ўқув учун “Жисмоний маданият” имтиҳон комиссиясининг масъул котиби этиб тайинланган. Шундан фойдаланиб Жисмоний маданият факультетига ўқишга топширган 18 нафар абитуриентнинг тўплаган балини юқори қилиб кўрсатган ва улар шунинг натижасида ўқишга қабул қилинган. Унга ушбу ишда комиссиянинг бошқа аъзолари ҳам "ёрдам" берган.
Бош прокуратуранинг хабар беришича проректорга нисбатан ЖКнинг 205-моддаси 1-қисми ва 209-моддаси 2-қисми “а” банди билан айб эълон қилинди. Ҳозирда тергов ҳаракатлари олиб борилмоқда.
