Тармоқларда учрашувга чиққан йигит ва қизни "самосуд" қилиб, урган йигитнинг видеоси тарқалди.
Маълум бўлишича, воқеа шу йилнинг 3 март санасида Самарқанд вилоятида содир бўлган. Самарқанд шаҳрида яшовчи қиз кеч саот 21:00 ларда синглиси билан 1999 йилда туғилган йигитнинг таклифига рози бўлиб учрашувга чиқади. Йигит 1996 йилда туғилган дўсти билан уларнинг олдига боради ва қизларни Тойлоқ туманидаги Туркияга кетган фуқаронинг бўш турган уйига олиб боради. У ерда уларнинг баланд овозини эшитган, бошқа уйда бўлган 6 нафар эркак учрашувга чиққан йигит ва қизларни тарбияга чақириб қўйиш мақсадида уларнинг уйига кирган. Уйга кирган эркакларнинг бири қизларга тарсаки ҳам туширган. Қолган эркаклар эса вазиятни видеога олиб турган. Шундан сўнг маҳалла раиси вазиятдан хабар топиб, барчани тарқатиб юборади.
Вазиятдан сўнг вилоят ИИБ текширув олиб боради ва уларга нисбатан Маъмурий жавобгарлик тўғрисидаги кодекснинг тегишли моддалари билан баённома тузилади ва иш судга оиширилади.
Тарсаки туширган фуқаро Қ.С. эса қилмишидан пушаймон экани айтилмоқда. Энди якуний қарорни суд қабул қилади.
