Воқеа шу йилнинг 22 март санасида содир бўлган. Оқдарё туманидаги “Ов Ёғдуси ИКВ” фермер хўжалиги ишчиси 59 ёшли Т.М. 50 ёшли аёл З.У. билан спиртли ичимлик ичган. Шундан сўнг эркак аёлни рашк сабаб дўппослаган. Эркак З.У.нинг боши ва баданининг турли жойларига уриб-тепиб ташлаган. Аёл 23 март соат 02:00 ларда олган тан жароҳатлари натижасида вафот этган.
Ҳозирда ушбу ҳолат юзасидан ЖКнинг 104-моддаси 3-қисми “д” банди (одам ўлимига олиб келган қасдан баданга оғир шикаст етказиш) билан жиноят иши қўзғатилган. Эркак ушланган.
